（引用圖，非文中所提到的財演）
做娛樂圈明星其中一個好處，就係會有贊助商願意主動重金禮聘，做廣告主角或代言人，數一籮籮！
不過，若然閣下唔係靚仔靚女，做唔到明星，都唔緊要，只要金魚缸有番咁上下日子，樣子順眼，口才了得，識得公仔箱前用盡法寶，升市讓人心花怒放，跌市讓人喝一碗心靈雞湯，一樣可以換來各種各樣的數。
有卜架報料，某兩位甚具人氣財經演員，雖然人到中年，塊面十年如一日，青靚白淨，亦唔多覺有「中年發福」，全靠某從事護膚纖體上市公司多年提供意見；另外，又有一位長青財經演員，找來植髮公司贊助，搞搞愈來愈少頭髮，整番個靚仔髮型，所以雖然年近半百，但個樣就可以年年廿五歲，留住班太太觀眾天天捧場！
余絲韻
