曼聯前鋒朗尼植髮成功後，演出光芒四射，初時各界都以為佢重拾男性自信，從而提升比賽表現，但原來係受藥物之助，佢喺植髮療程之中，需要服食一種名為 Propecia嘅藥物。英國醫生指Propecia可以增強肌肉能量，兼提升男性性能力，對運動員可謂一舉兩得。朗尼球場上威風凜凜，相信床上亦勇猛無比。
朗尼解決頹頭煩惱後狀態大勇，領隊費格遜更讚佢係「白比利」，英國《每日郵報》踢爆呢位射手表現「升呢」，並非單純恢復自信咁簡單，原來朗尼除接受植髮手術外，亦要服食藥物Propecia幫助生髮。
增強肌肉能量
根據英國醫生列迪所講，有百分之一至二服食Propecia嘅病人，會產生副作用，包括冇精神及性慾不振，但現時亦出現唔少正面案例，有人服用後增強肌肉能量，性能力亦變強，列迪醫生估計朗尼可能都係咁。
英國有唔少網民亦話，因為治療禿頭而服食Propecia，身體狀況比以前更好，其中一位四十歲網民自爆性能力更勝從前。列迪醫生自己亦食咗 Propecia十年，以六個月為一個療程，發現兩個療程之間有兩星期空檔冇食藥，立即覺得好容易疲倦，更令人認為Propecia對精神及體力有正面影響。
有研究指出，男性禿頭係因為身體開始老化，其中一種男性賀爾蒙睾丸素轉化成另一種賀爾蒙二氧睾固酮(DHT)，身體多咗二氧睾固酮就會禿頭，服用Propecia減低睾丸素轉化速度，變相令身體多番睾丸素，所以令男性更雄赳赳。
最重要係英格蘭足總已表明，Propecia並非禁藥，所以即使朗尼真係有食過，亦冇違規。紅魔主帥領隊費格遜固然可以放心，朗尼老婆麥露蓮就更加「開心」喇!
本站有完全可取代保康絲的藥物提供, 名為Finpecia及Finax, 可到此網址查詢：http://www.hairway.org/list.aspx?cid=56
